Hesen Ruhanî serdana Tirkiyê dike

Ofîsa Ragihandinê ya Serokatiya Komara Îranê eşkere kir ku Serokkomarê Îranê Hesen Ruhanî dê sibe Çarşembiyê serdana Tirkiyê bike.

Li gorî daxuyaniya Ofîsa Ragihandinê ya Serokatiya Komara Îranê, Serokkomarê vî welatî Hesen Ruhanî sibe bi serdaneke fermî diçe Tirkiyê û dê li Enqerê bi Serokomarê Tirkiyê, Recep Tayyip Erdogan re bicive.

Ev serdana han di demekê de ye ku îro li Swîsê civîneke sê alî ya di navbera Îran, Rûsye û Tirkiyeyê de derbarê Sûriyeyê de tê lidarxistin û herwiha piştir jî Tirkiye ragihandibû ku li dijî dorpêçên Amerîkayê yên li ser Îranê,  piştgîriya Îranê bike.