Li cîhanê 100 hezar kes wendane

Komîteya heyva sor ya cîhanî dibêje niha li seraserê cîhanê 100 hezar kes wendane.

Rayedarekî komîteya heyva sor ya cîhanê bi navê Agnes Coutou di gotareke xwe de yaku di civîneke komîteya mafên mirovan ya ser bi Netewên Yekgirtî de pêşkêş kir behsa rewşa jiyana xelkê li seraserê cîhanê kir.

Agnes Couatou di gotara xwe de diyar kir ku niha li seraserê cîhanê jiber sedem û egerên curbicur zêdetir ji 100 hezar kes wendane û kes nizane ka çi bi ser wan hatiye.