Cîhadî dest bi cîbicîkirina rêkeftina Idlibê dikin

Cîhadiyên li Sûriyeyê yên ku Tirkiyê piştgiriya wan dike dibêjin wan dest bi cîbicîkirina rêkeftina Idlibê kirine.

Li gor nûçeyeke voayê cîhadî diyar kirin ku rêkeftin di navbera Tirkiyê û Rûsya de hatiye îmzekirin û wê li gor wê hêzên hikûmet û opozisyona Sûrî ji eniyên şer bi ferehiya 15 ta 20 kîlometir vekişin û herêmeke bê çek di navberê de bihêlin.

Najî al-Mustafa peyvdarê Eniya Niştimanî ya Rizgarkirinê, îro Yekşemê got grûpên di nava Eniyê de bi tevahî erê dikin ku rêkeftinê berî 15 mehê pêk bînin.

Al-Mustafa dibêje hêzên Tirkiyê li herêmê ne û wê çavdêriya her binpêkirinekê bikin.

Ew dibêje wê hêzên opozisyonê çekên xwe yên giran rojekê berê ji wê herêmê bikşînin û bingehên xwe û çekên sivik û navendî jî wê li cihê xwe bimînin.

Hêjayî gotinê ye gurûpa herî mezin, ku girêdayî al-Qaîde ye, hîn ne diyare ka wê pêgir be bi rêkeftinê yan na.