HPG'ê ragihand ku li Colemêrg û Êlihê di çalakiyên gerîla de 17 leşker hatiye kuştin. Di daxuyaniyê de nasnameya gerîlayekî ku di şer de şehîd bû hate eşkerekirin.
Li gor nûçeyeke ajanseke ser bi PKKê navenda Ragihandin û Çapemeniyê ya HPG'ê derbarê rêze çalakiyên li Colemêrg û Êlihê daxuyaniyek weşand. HPG'ê ragihand ku di çalakiyan de seyareke zirxî hatiye rûxandin û herî kêm 17 leşker hatine kuştin.
"Hêzên me, di dorhêla pêngava şoreşgerî ya Şehîd Pîroz û Şehîd Agirî de roja 4'ê Îlonê saet 17:30’î li navçeya Gever a Colemêrgê li hemberî leşkerên artêşa Tirk a dagirker ên li ser Girê Elîşêr çalakiyek lidar xistine. Çeper û baregehên dijmin ên li vê derê hatine rûxandin. Di vê çalakiyê de herî kêm 2 leşker hatine kuştin.
4'ê Îlonê saet saat 08.30'î hêzên me li navçeya Çelê li ser rêya navbera Geliyê Deştanê û Girê Şundirê de li dijî seyareyeke zirxî ya bi tîpa Kîrpî bi çalakiya sabotajê pêk anîne. Di vê çalakiya ku seyare bi giştî hatî rûxandin de 6 leşkerên dijmin hatine kuştin.
31'ê Tebaxê saet 03.30’î li dijî yekîneyeke veşartî ya artêşa Tirk a dagirker çalakî hatiye lidarxistin. Di vê çalakiyê de ku ji nêz de li dijmin hate xistin 9 leşkerên dijmin bi çav hatine kuştin û ev bi çav hatine dîtin. Di vê çalakiyê de hevrêyê me Argeş ê bi fedaîtî şer kir bi giranî birîndar dibe û ji bo dîl nekeve destê dijmin bombeya xwe di xwe de diteqîne û şehîd dibe. Piştî vê çalakiya ku dijmin derbên giran xwarî, hêzên dijmin li bejahiya gundên Zengo, Heskê, Nû, Dêrşewa û Çayxanê operasyon daye destpêkirin û ev operasyon hê jî didome.
komênte (0)
heta niha komênt nehatiye nivîsandin