Demîrtaş: Şerê Erdogan û Bahçelî nêzîk e

Berbijarê serokomariyê yê Partîya Demokratîk ya Gelan (HDP) Selahedîn Demîrtaş, ser rêberên Pardîya Dad û Pêşveçûnê (AKP) Recep Tayyîp Erdogan û Partîya Tevgera Neteweperest (MHP) Devlet Bahçelî got ku ‘’Hindik ma ku pirê derbaz bikin, şerê Erdogan û Bahçelî nêzîk e’’

Demîrtaş di bersivên bo pirsên Artı TV de derbarê daxwaze efûyê ya Bahçelî jî dîyar kir ku bi sed hezaran kes jiber darizandinên neadil hatine girtin, lê partîya ku dê sînorê dadmendîyê çêke ne MHP ye.

Demîrtaş ser kêşeya aborî jî da zanîn ku berpirsê wê AKP ye û êdî kesên dengê xwe dane wê partîyê jî vê yekê dipejirînin.