Koreya Bakur ragihand ku jiber hîndarîyên Amerîka û Koreya Başûr, civîna bi karbidestên payabilind yên Koreya Başûr re betal kiriye.
Li ber bû ku şandeyan Koreya Bakur û Koreya Başûr, îro Çarşemê bicivîyana, lê berî civînê Pyongyangê dîyar kir ku civîn betal bûye.
Ser biryara Koreya Bakur, derbarê hevdîtina Trump û Kim Jong Un, ku li ber e ku meha pêş li dar keve, guman çêbûn.
Ajansa Koreya Başûr, Yonhap da zanîn ku Amerîka bo hevdîtinê divê nirxandinên girîng bike.
Bi qasî 100 firok beşdarî hîndarîyên Amerîka û Koreya Başûr bûn.
Koreya Başûr dabû zanîn ku Koreya Bakur dê hefteya pêş navenda navokî bigire.
komênte (0)
heta niha komênt nehatiye nivîsandin