DIŞIê berbijêreke Îraqî kuşt

Rêxistina DIŞIê li ser tora Telegramê berpirsyaretiya xwe ji kuştina namzedê parlamentoya Iraqê Farûq Mihemed Zerzûr re ragehand.

Îro, Duşemê 7.5.2018 li gundekî Mûsilê, namzedê parlamentoya Iraqê Farûq Mihemed Zerzûr bi kêran hat kuştin.

Li gor jêderên ewlekarî şeva borî namzedekî parlamentoya Iraqê bi navê Farûq Mihemed Zerzûr li mala xwe de li gundê Lezage yê bajarokê Geyare yê Mûsilê, bi kêran hatiye kuştin.

Rêxistina DIŞIê di meha Nîsana borî de ragehandibû ku, ew dê bingehên dengdanê yên Helbijartinên Parlamentoya Iraqê û namzedên wê bike armanc.

Ji destpêka xebatên hilbijartinên parlamentoya Iraqê ve heta niha, çend namzedên parlamentoya Iraqê ji hewlên kuştinê rizgar bûne.