Serok Barzanî: destkeftên raperînê li ber çavin

Serok Barzanî derbarê salvegera raperîna mezin de peyamek pêşkêş kir.

Serok Barzanî bi minasebeta 27.mîn salvegera raparena mezin ya buhara 1991an yaxelkê Kurdistanê peyamek weşand ku ew jî tekesta vê ye;

Bi navê xwedayê bexşîner û mîhreban

Di 27.mîn salvegera raperîna gelê Kurdistanê de hezaran silav bo giyana paqij a şehîdên rêya azadiya gelê me û silav ji Pêşmergeyên qehreman û hemû tekoşer û niştimanperwerên Kurdistanê re.

Raperîna buhara 1991ê li ser bingehê dest li xwe bernedan û nepejirandina zilim û dagirkeriyê ye. Destkeftên vê bûyera mezin diyar in û raperîn rawestgehek giran buhaye bo me hemûyan ku eşkeraye maf û azadî nayê bexş kirin, tê bidestanîn.

Herwaha tişta bi navê pejirandina bûdceyê ya 03.03.2018ê li parlamentoya Iraqê pêkhat, bi ronî aşkeraya binpê kirina şirîktî û rêkeftin û hewsengî û bingehên destûrê û çewsandineke bi plana darijandiye bo gelê Kurdistanê. Hêvîdarim ew reftare gelek rastî bo navxweyî Kurdistanê û derve aşkera kiribe û bê zanîn ku gelê Kurdistanê li gel çi hizir û aqil û çandekê jiyan dike. Dema wê hatiye ku ji bo bersiv ji wan kiryarên parlamentoya Iraqê re bê dayîn, hemû aliyên Kurdistanê li gel yek bicivin û biryarek guncaw û hevbeş bidin.

Bi boneya raperînê pêzanînên min bo xelkê Kurdistanê hene û bi dileke tejî sipasiyê dikim ku li hember dorpêç û givaş û dagirkeriyê bi serbilindî û berxwedan û bi vîneke ji pola gelê Kurdistanê rawesta.

Mesûd Barzanî

04.03.2018