Amerîka: Em û Tirkiye weke hev nafikirin

Wezîrê Parastinê yê Amerîkayê James Mattis ragihand ku ew ê û Tirkiye di hinek xalan de weke hev nafikirin.

James Mattis li Brukselê piştî hevdîtina li gel Wezîrê Parastinê yê Tirkiyeyê Nurettîn Canîklî daxuyaniyek da û ragihand, armanc ew e ku bi rêya Netewên Yekgirtî kêşeya Sûriyê bê çareserkirin û herwiha got, ‘Hevdîtinên bi Tirkiyeyê re li ser esasê dirustiyê û şefafiyê ye.’

Wezîrê Amerîkî di derbarê gotûbêjin li gel Tirkiyeyê jî wiha axivî: ‘Rêyên gotûbêjê li gel Tirkiyeyê vekirîne. Ez di wê fikrê de me ku me zemîneke hevbeş dîtiye. Lêbelê di hin xalan de em û Tirkiye weke hev nafikirin. Em ê xebatên xwe yên ji bo dîtina rêyên hevkariyê berdewa bikin, lêbelê proseya Cinevê bi vî awayî naçe serî.’