Yewnanîstan: Tirkiye dixwaze aloziyan çê bike

Hikûmeta Yewnanîstanê Tirkiye bi derxistina provakasyonê sûçdar kir.

Li gor ajansên Yewnanî berdevkê hikûmeta Yewnanîstanê Dimitris Tzanakopoulos li ser rageşiya li Kardakê wiha axivî: ‘Em bi biryar in ku sînorên xwe biparêzin. Van demên dawîn ji aliyê hikûmeta Tirkiyeyê ve gelek provakasyon pêk hatine. Ev yek jî me aciz dike. Em rewşê ji nêz ve dişopînin.’

Ev çend roj in di navbera Tirkiye û Yewnanîstanê de li ser alozî û rageşiya li herêma Kardakê krîzek heye û Serokkomarê Tirkiyeyê Recep Tayyip Erdogan jî îro ji bo Yewnanîstanê gotibû ku bila herkes hedê xwe bizane.