Cibûrî: Şandina petrola Kerkûkê bo Îranê vê mehê dê dest pê bike

Parêzgarê Kerûkê yê bi wekaletê Rakan Cibûrî îro duşemê got ku Iraq dê di nava vê mehê de dest pê bike ku petrola Kerkûkê bişînin û rêjeya rojane dê 60 hezar bermîl bin.

Li gorî Reutersê, Cibûrî îro beşdarî kongreya avakirina Iraqê ya li Kuweytê bi rê ve diçe de bû û gotiye: "Hikûmeta Federal di çend rojên pêş de dê dest pê bike ku petrola kêlîgehên bakurê Kerkûkê bifiroşe Îranê û dê ev tişt rêjeya wê ya rojane bigihêje 60 hezar bermîlan".

Berî niha Iraq bi Îranê re li hev kiribû ku 60 hezar bermîl petrola xam a Kerkûkê bi petrola Îranê re biguherîne ku ew dê li başûrê Iraqê bê radestkirin û ew petrol bi tiran bo bajarê Kirmaşanê bê şandin.