Nêçîrvan Barzanî ligel Wezîrê Derve yê Fransayê civiya

Li Davosê Serokwezîrê Herêma Kurdistanê Nêçîrvan Barzanî ligel Wezîrê Derve yê Fransayê Jean-Yves Le Drian civiya.

Îro Sêşembê (25.01.2018) sêyem roja Foruma Aborî ya Cîhanî ya Davosê ye. Di vê çarçoveyê de Serokwezîrê Herêma Kurdistanê Nêçîrvan Barzanî û şanda ligel çend hevdîtin ligel serkirde û berpirsên welatên cîhanê pêkanîn.

Di vê çarçoveyê de Serokwezîrê Herêma Kurdistanê Nêçîrvan Barzanî ligel Wezîrê Derve yê Fransayê Jean-Yves Le Drian civiya. Lê derbarê naveroka civînê de heta niha ti daxwiyanî nehatine dayîn.

Biryar e her îro şanda Kurdistanê ya bi Serokatiya Nêçîrvan Barzanî ligel Cîgirê Serokwezîrê Tirkiyê, Serokwezîrê Hollandam Wezîrê Derve yê Fransayê, Wezîra Berevaniyê ya Elmanya û Serokwezîrê Flanders bicive.

Roja (23.01.2018) Serokwezîrê Herêma Kurdistanê di civîneke çapemeniyê de ragehandibû li Davosê ligel Serokwezîrê Iraqê Heyder Ebadî û Wezîrê Petrola Iraqê Cebar Luxêbî dicive û civîn jî berdewamiya civînên Bexdayê dibe.