Qesra Sipî Tirkiyê bo Efrînê hişyar dike

Berdevka Qesra Sipî Sarah Sanders di preskonferansekê de bang li Tirkîyê kir ku xwe ragire.

Sanders diyar kir ku operasyona Efrînê dê kêşeya mirovahî ya li wê herêmê kûrtir bike û îstiqrara wir jî xirab bike ji ber vê çendê em bang li Tirkiyê dikin ku him bo gotinan him jî bo operasayonan xwe ragire’’

Sanders da zanîn ku divê dem û berfirehiya operasyonê kin û teng be û ti zarar negêhije sîvîlan.

Berdevka Qesra Sipî diyar kir ku operasyona Tirkiyê bala li ser têkbirina terorîstên DIŞIê dişikîne û dibe ku El-Qayde û DIŞI bi vê operasyonê re ji xwe re cîh û war çêkin.

Sanders da zanîn ku wan hay ji fikarên Tirkiyê yên ser ewlekariyê heye û ew naxwazin ku rejîma Şamê ya ‘’zorbaz’’ jinûve vegere Efrînê.