Pûtîn serdana Sûriyeyê kir û daxwaza vekêşana hêzên Rûsî kir

Serokê Rûsyayê Vladimir Pûtîn îro serdana Sûriyeyê kir û li  gel Serokê Sûriye Beşar Esed civiya.

Piştî vê civîna han jî Pûtîn serdana navenda leşkerî ya hêzên Rûsî ya li Hemîmînê kir û li gel rayedarên leşkerî yên Rûsî civiya.

Di vê civînê de Pûtîn daxwaz ji Fermandar û rayedarên leşkerî yên Rûsyayê kir daku hêdî hêdî xwe bo vekêşan ji Sûriyeyê amade bikin.

Pûtîn di gotareke xwe de yaku li Hemîmînê ji bo leşkerên Rûsî pêşkêş kir got: We kariye ku metirsîdartirîn tevgerên terorîstî yên cîhanê ji nav bibin û piştgîriyeke baş pêşkêşî hêzên leşkerî yên Sûriyeyê bikin û niha erka we yaku ji we re hatibû diyarkirin bi dawî hatiye û dema vê yekê jî hatiye ku hun xwe amade bikin daku hêdî hêdî vekêşin.