Mesrûr Barzanî: Hêvî dikim rewşa bi naheq sepandî bi dawî were

Mesrûr Barzanî bi minasebeta jidayikbûna Peyxemberê îslamê peyameke pîrozbayî pêşkêş kir.

Şêwirmendê civata ewlekariya Kurdistanê Mesrûr Barzanî bi minasebeta jidayikbûna Peyxemberê îslamê peyameke pîrozbayî pêşkêş kir ku ev jî tekesta vê ye;

Bi navê xwedê mezin û dilovan

Bi minasebeta jidayikbûna Peyxemberê me yê mezin Mihemed Mistefa( silav û dirûdên xwedê li ser vî bin) pîrozbayiyên xwe pêşkêşî tevahiya misilmanên Kurdistan û cîhanê dikim.

Hêvî dikim ev minasebeta han ya pîroz handereke din be bo bihêztir kirin û çespandina rihê biratî, xweşewîstî û bihevre jiyana aştiyane di navbera tevahiya mezheb, ol û neteweyên cuda cuda. Herwiha hêvî dikim bibe sedema bidest anîna aştî, yekîtî û jinav birina tundûtîjî û pêşî girtin ji bikar anîna ol bo mebest û armancên dûr ji peyama rastîn ya ola pîroza îslamê yaku peyama xweşewîstî û yekîtiya navbera însanaye.

Her bi vê minasebeta han hêvî dikim ew rewşa ku bi naheq bi ser Kurdistanê de ku tenê jiber ku daxwaza yeksanî û dabîn kirina mafên xwe dike hatiye sepandin, bidawî were, gel û welatê me bigehêje armancên xwe, bi aramî û bextewerî bijî.

Şêwirmendê civata ewlekariya Kurdistanê

Mesrûr Barzanî

29.11.2017