Serokê Franseyê ji Ebadî xwast hêza leşkerî li dijî Kurdistanê bikar nehîne.
Serokê Fransa Emmanuel Macron pêşwazî li hevdîtinên navbera Pêşmerge û artêşa Iraqê kir û daxwaz ji Iraqê kir hêza serbazî li dijî Kurdistanê bikar nehîne.
Emmanuel Macron duh bi telefonê ligel serokwezîrê Iraqê Heyder Ebadî axivî û bi wî re li ser şer û aloziyên navbera Iraq û Kurdistanê gotûbêj kir.
Li gorî daxuyaniya serokatiya Fransa, Macron bi destpêkirina hevdîtinên navbera Pêşmerge û artêşa Iraqê kêfxweş bûye û ji Ebadî xwastiye mafên gelê kurd û pêkhateyên din yên Iraqê biparêze.
Serok Fransa her wiha ji serokwezîrê Iraqê xwastiye hêza serbazî li dijî Kurdistanê bikar nehîne û bi rêya diyalogê arîşeyên navbera Hewlêr û Bexdayê çareser bike.
komênte (0)
heta niha komênt nehatiye nivîsandin