Kanala BBCyê di çarçoveya projeya xwe ya "100 jin 2017"ê ku vê hefteyê behsa 100 jinî û serkeftinên wan dike de vîdyoyek li ser fermandara HSDê Rojda Felatê weşand.
BBCyê vîdyoya xwe bi sernavê "Jina ku bi sedan DIŞI kuştin" dest pê dike û wiha dewam dike: "Rojda Felat operasyona Xezeba Firatê ya li Reqayê bi rê ve dibe. Bi hezaran şervanên kurd, ereb û suryanî di vê operasyonê de beşdar in"
Felatê di vîdyoyê de behsa sedema beşdarbûna xwe di operasyonê de dike û wiha dibêje: "Sedema ku hişt ez fermandariya vê operasyonê bikim, rizgarkirina jinên şingalî û gelek jinên din ên di destê DIŞIê de ne."
Herwiha fermandara kurd destnîşan dike ku li eniyê şerî li pêş cih girtiye û hîn jî wiha ye.
Felatê behsa bandora çek û topan li ser şervanan dike bê çawa bi demê re xwe ji tirsa xwe xelas dikin.
komênte (0)
heta niha komênt nehatiye nivîsandin