NY dibêje di sala 2016an de zêdetir ji 8 hezar zarok jiber şer hatine kuştin anjî birîndarkirin.
Sekreterê giştî yê Neteweyên Yekbûyî (NY) Antonio Guterres rapora salane ya bi navê zarok û pevçûnên çekdarî bo raya giştî eşkere kir.
Li gor raporê, par di pevçûnên çekdarî de zêdetir ji 8 hezar zarok li seranserê cîhanê hatin kuştin yan birîndarkirin.
Di raportê de hatiye diyar kirin ku 3 hezar û 512 zarok li Exanistanê hatine kuştin yan birîndar kirin. NY’ê diyar kir ku ew hejmara herî bilind ya dîroka Efxanistanê ye.
NY’ê da zanîn ku li Yemenê 1 hezar û 340 zarok hatine kuştin yan birîndar kirin; ew hejmar li Sûriyê jî 1299 e.
Guterres diyar kir ku tevgerên weke Şebab, Boko Haram, DIŞI û Talîbanê, zêdetir ji 6 hezar û 800 caran mafên zarokan binpê kirine.
Berdevkê Guterres, Stephane Dujarric diyar kir ku kuştina 8000 zarok ji aliyê NY’ê ve nayê qebûl kirin û da zanîn ku Sekreterê giştî yê NY’ê hember hejmara zarokên kuştî şok bûye.
komênte (0)
heta niha komênt nehatiye nivîsandin