Dadgeh ji bo tawanbaran cezayê 4 caran girtina heta hetayî der kir.
31 efser û fermandeyên artêşa Tirkiyê yên ku xwastibûn serokomarê Tirkiyê Recep Tayyip Erdogan bikujin, 4 caran bi girtina heta hetayî hatin mehkûmkirin.
Îro li bajraê Mûgla yê Tirkiyê 47 fermande û efserên artêşa Tirkiyê yên ku şeva 15 Tîrmeha par xwastibûn Erdogan bikujin, hatin dadgehîkirin.
Dadgehê di dawiya rûniştinê de fermana 4 caran girtina heta hetayî da 31 tohmetbaran, darizandina yên din jî didome.
Beşek ji fermande û efserên artêşa Tirkiyê şeva 15 Tîrmeha par xwastin li dijî hikûmeta wî welatî kûdetayê bikin. Wê şevê Erdogan li hotêlekê li bajarokê Marmarîsê yê parêzgeha Mûglayê bû. Kûdetageran komek serbaz û efser şandibûn da ku Erdogan yan sax bigirin yan jî bikujin lê operasyona wan bi ser neket û bi giştî kûdeta jî bin ket.
komênte (0)
heta niha komênt nehatiye nivîsandin