Li Serdeştê festîvala tiriyên reş dest pê kir

Li bajarê Serdeştê yê Rojhilatê Kurdistanê, festîvala tiriyên reş dest pê kir.

Îro li gundê Kuman yê Serdeştê, festîvala tiriyên reş dest pê kir.

Berpirsê çandiniya Serdeştê Resûl Seîdiyan li ser festîvalê got, festîvala tiriyên reş her sal bi mebesta nasandina tiriyên reş, peydakirina bazar û mişteriyên baş bo vê berhemê li Serdeştê tê lidarxistin.

Resûl Seîdiyan da zanîn ku îsal 25 hezar ton tiriyên reş li Serdeştê berhem hatiye û got, derdora 20 hezar ton piştî çinînê tê firotin û yê din jî dibe konserve.