Berpirsekî PDKê derbarê propagandayê referandûmê de bang li welatiyan kir, di dema propagandeya referandoma serxwebûnê de aramiya welatiyan xirab nekin û kesî eziyet nekin.
Berpirsê liqa 2 ya PDKê li Hewlêrê, Ehmed Kanî îro di civîneke rojnamevanî de ragihand, bi ti awayî nabe ew kesên ku tevlî çalakiyên propagandeya referandomê dibin, xelkê aciz bikin û aramiya wan xirab bikin.
Ehmed Kanî her wiha got, yên ku xwe dilsozên referandom û serxwebûna Kurdistanê dibînin divê rewş welatiyan li ber çavan bigirin û guh bidin şîretên Serok Barzanî û ti alayekî ji bilî alaya Kurdistanê hilnegirin. Çimkî hilgirtina amblem û alayên partiyan û posterên şexsan rast nîne.
Kanî bang li welatiyan kir pîvanan binpê nekin û got, yên ku xirabkariyê bikin yan jî qanûnan binpê dikin divê bên cezakirin.
Berpirsê liqa 2 ya PDKê anî ziman, hinek kes otomobîlên xwe bi alaya Kurdistanê dipêçin û got, ev karekî xelet e, yên ku vê yekê bikin ne ser bi rêxistinên PDKê ne.
komênte (0)
heta niha komênt nehatiye nivîsandin