Serokê herêmê li gel rayedarên Îdarî yên Hewlêrê civiya

Îro serdana Walîtiya Hewlêrê kiribû.

Îro Serokê herêma Kurdistanê Nêçîrvan Barzanî serdana Walîtiya Hewlêrê kir û li gel Walî Omîd Xweşnaw û rayedarên din yên îdarî yên Hewlêrê civiya.

Di destpêka civînê de giftûgo derbarê projeyên xizmetgozariyê yên li Hewlêrê hate kirin û Serokê herêma Kurdistanê fermana vê yekê da ku, bi baştirîn şêwe projeyên xizmetgozariyê werin pêşkêşkirin.

Serokê herêmê Nêçîrvan Barzanî spasiya Walîtiya Hewlêrê û rayedarên îdarî yên Hewlêrê kir ku, karîne xizmetgozariyên baş pêşkêşî şêniyên Hewlêrê bikin û eşkere kir ku, bi sêya wan projeyan Hewlêr gelek pêşkeftiye.

Di beşeke din ya vê civîna han de nîqaş derbarê amadekariyên hilbijartinê hate kirin û Serokê herêma Kurdistanê tekez li ser vê yekê kir ku, hilbijartin pêgeha dezgehên fermî bihêztir dike.