Bo 10mîn salvegera komkujiya Şingalê peyamek belav kir.
Îro Serok Barzanî bo 10mîn salvegera komkujiya Şingalê peyamek belav kiriye ku, ev jî naveroka vê peyamê ye;
Bi navê xwedê mezin
Genocide kirina Şingalê û tawanên terorîstên DIŞIê yên 10 sal beriya niha yên ku, dijî xuşik û birayên Êzidî hatine kirin birîneke mezinin li ser laşê Kurdistanê. Ev tawan û yên din weke vê domandina ev genocid û tawanane ku, bi dirêjahiya dîrokê li hember gelê Kurdistanê hatine kirin.
Xuşik û birayên Êzidî yên me jî jiber Kurdbûn û ola xwe ketine ber pêla kîn û hovîtiya tawanbarên DIŞIê û hatine genocdekirin.
Di 10mîn salvegera vê karesata han de silav bo rihê paqêj yê şehîdan û qurbaniyên vê tawana han dinirên û silav bo rihê wan pêşmergeyên qehreman jî dinirên ku, bo têk birina dorpêçên ser çiyayê Şingalê û azad kirina bajarê Şingalê xwîna xwe dan û serê DIŞI hov xistin ber pêk xuşik û birayên Êzidî û tola ev neheqî û zilima terorîstan stendin.
Di vê bîranîna dilsoş de tekez li ser vê yekê dikin ku, bi tevahiya karînên xwe ve piştîvaniya maf û daxwazên xuşik û birayên êzidî û şêniyên devera Şingalê dikin û lazime rêkeftina navbera hikûmeta herêmê û hikûmeta federalî ya bo normal kirina rewşa Şingalê were cîhbicîhkirin.
Lazime dawî bi vê yekê were anîn ku, aliyên din êş û azarên Êzidiyan bo mebestên siyasî bikar bînin bo xwe ferizkirin û aloztir kirina rewşa Şingalê û lazime rê bi xuşik û birayên Êzidî were dayîn daku, bi serfirazî vegerin Şingalê û di nava aştî û aramî de bijîn.
Mesûd Barzanî
3ê Tebaxa 2024
komênte (0)
heta niha komênt nehatiye nivîsandin