Serokê herêmê ferman daye di Cotmehê de hilbijartin tê kirin.
Îro Peyvdarê Serokatiya herêma Kurdistanê Dilşad Şehab di presskonferansekê de ragihand ku, Serokê herêma Kurdistanê piştî şewir û danûstandinên berfire li gel aliyên siyasî yên Kurdistanê û komîsyona bilind ya hilbijartinan, dema hilbijartinên parlementoya Kurdistanê diyarî kir.
Dilşad Şehab eşkere kiriye ku, beriya niha biryar bû di 10 Hezîranê de hilbijartin were kirin lê ev dem bo 5 Îlonê hate paşxistin û piştî vê yekê komîsyon jî diyar kiriye ku, di 5 Îlonê de nikare hilbijartin bike lewre piştî giftûgo û şewireke berfire li gel aliyên siyasî û komîsyona hilbijartinan, Serokatiya herêma Kurdistanê biryar daye di roja 20ê Cotmehê de hilbijartin were kirin.
komênte (0)
heta niha komênt nehatiye nivîsandin