Holenda û Kurdistan têkiliyên xwe bihêztir dikin

Serokwezîr li gel balyozê Holendayê civiya.

Îro Serokwezîrê Kurdistanê Mesrûr Barzanî li gel balyozê Holendayê civiya û piştî civînê jî Serokwezîr derbarê naveroka civînê de wisa nivîsand;

Îro me pêşwaziya balyozê Şahnişîna Holendayê li Îraqê birêz Hans Sunday kir ku, jiber bi dawî hatina pîwerdariya xwe serdana me kiribû.

Me spasiya balyoz kir bo liv û tevgerên wî yên bo pêşde birina zêdetir ya têkiliyên du alî. Hewiha rêzdariya xwe ya li hember piştîvaniya berdewam ya Holendayê ya di şerê dijî DIŞIê de û piştîvanî kirina reformên hikûmeta herêma Kurdistanê di warên pir cure kirina abûrî û bi taybetî jî kerta çandiniyê, diyar kir û hêviya serkeftinê jî bo balyozê di pîwerdariya nû de jê re xwest.

Balyozê Şahnişîna Holendayê jî behsa têkiliyên bihêz yên di navbera herêma Kurdistan û Holendayê de kir û eşkere kir ku, rêjeya bazirganiya navbera her du aliyan du caran ji demên derbasbûyî zêdetir bûye û tekez li ser xwesteka welatê xwe bo pêşde birina zêdetir ya têkiliyên li gel hikûmeta herêma Kurdistanê diyar kir.

Guhertin û pêşhatên dawî yên rewşa giştiya Îraq û deverê û girîngiya lidarxistina hilbijartinên parlementoya Kurdistanê di demeke goncaw ya îsal de mijarên din yên civîna me bûn.