Îraq daxwazek pêşkêşî Amerîkayê dike

Dibêje cezayên ser bankên Îraqî hilweşîne.

Li gor çapemeniya Îraqî, wezîrê derve yê vê welatî Fûad Husên bi rêya telefûnê peywendî bi wezîrê derve yê Amerîkayê Antony Blinken re kiriye û di peywendiya han ya telefûnî de behsa cezayên dawî yên Amerîkayê yên dijî 8 bankên Îraqî hatiye kirin.

Di vê peywendiya han de Fûad Husên daxwaz ji Amerîkayê kiriye daku, cezayên ser wan 8 bankên Îraqî hilweşîne jiber ku, ev cezayên han vê bandoreke nerênî li ser abûriya Îraqê bikin.

Weke tê zanîn beriya du rojan Amerîka ragihandibû ku, jiber veguhastina pereyan bo Îranê 8 bankên Îraqî ceza kiriye.