Li Îran û Rojhilatê Kurdistanê 29 jinên çalakvan hatine ceza kirin

12 ji wan bo girtîgehan hatine veguhastin.

Li gor çavkaniyên nûçeyan zextên rejîma Îranê yên li dijî çalakvanên siyasî û mafên mirovan zêdetir bûne.

Çavkaniyên nûçeyan qala vê yekê dikin ku, di yekem meha sala 2024an de li Îran û Rojhilatê Kurdistanê 12 jinên çalakvan yên ku, ji aliyê hêzên ewlekarî ve hatibûn destbiserkirin bo girtîgehan hatine veguhastin û niha di girtîgehên rejîmê dene.

Herwiha hate zanîn ku, 17 jinên çalakvan jî ku, beriya niha ji aliyê hêzên rejîmê ve hatibûn girtin, ji aliyê dadgeha rejîmê ve hatine cezakirin.