Îsraîl balyozxaneya xwe li Behreyînê vekir

Welatên Erebî têkiliyên xwe li gel Îsraîlê normal dikin.

Wezareta derve ya Îsraîlê ragihandiye ku, normal kirina têkiliyên welatên erebî li gel Îsraîlê berdewame û di vê çarçoveyê de jî duhê duşem bi beşdariya wezîrên derve yên Îsraîl û Behreyînê, balyozxaneya Îsraîlê li Behreyînê hatiye vekirin.

Duhê wezîrê derve yê Îsraîlê bo cara ewil û bi mebesta vekirina balyozxaneya welatê xwe serdana Menameya paytexta Behreyînê kiribû.

weke tê zanîn li serdema desthilatdariya Trump de di navbera Îsraîl û welatên Erebî de rêkeftinek bi navê rêkeftina Îbrahîm hatibû îmzekirin û li ser esasê vê rêkeftinê gelek welatên erebî têkiliyên xwe li gel Îsraîlê normal kirine.