Civînên Serok Barzanî li devera Behdînan didomin

Îro li Dihukê çend civînan pêk tîne.

Di çarçoveya serdan û civînên xwe yên li devera Behdînanê de îro Serok Barzanî li Dihukê li gel malbet û kesûkarên şehîdan, birîndaran, hilgirên xelata Barzaniyê Nemir û girtiyên siyasî civiya û gotarek jî pêşkêş kir.

Serok Barzanî behsa rewşa niha ya Kurdistanê û têkiliyên navbera Hewlêr û Bexdayê kir û balkêşande ser wan astengiyên li berdem Kurdistan û xelkê Kurdistanê de hene.

Serok Barzanî herwiha tekez li ser hişiyarî û pêbendiya nîştimanî, hayedar kirina ciwanan û veger bo prensîbên nîştimanî kir.

Serok Barzanî di beşeke din ji gotara xwe de rêzdariya xwe ya li hember qurbanîdan, xebat û têkoşîna şêniyên deverê diyar kir û got: We bo kerameta gelê xwe xwîna xwe daye lewre her tiştek bo we were kirin kême lê ez hatime daku, guhê bo daxwaz, raman û gazindên we bigirim û daxwaz ji tevahiya we dikin tiştê ku, di dilê we de heye bêjin.