Cîgirê Serokê partiya demorkata Kurdistanê Nêçîrvan Barzanî bi minasebeta 77 saliya damezrandina PDK peyamek pêşkêş kir ku, ev jî naveroka vê peyamê ye;
Îro 16ê Tebaxê bi rêzdarî ve bûyer û werçerxaneke mezin û çarenivîssaz di dîroka gelê Kurdistanê de bi bîr tînin ku, ev jî 77 saliya damezrandina partiya me partiya demokrata Kurdistanê ye. Di vê bîranîna han de silav û rêz bo rihê paqêj yê Damezrêner û rêberê gelê Kurdistanê Barzaniyê Nemir û tevahiya şehîd û ev têkoşer û xebatkar û pêşmergeyên qehreman dişînin ku, bo azadiya Kurdistanê xebat kirine û canê xwe jî feda kirine.
Bi vê minasebeta han bi germî pîrozbayî li cenabê Serok Barzanî, malbet û kesûkarên serfiraz yên şehîdan, mektebsa siyasî, komîteya navendî, tevahiya organ, kadir, endam, jin xwendekar, alîgir û girseya PDK û gelê Kurdistanê dikim û hêviya serkeftina berdewam û serfirazî bo partiya xwe û bo tevahiya aliyan dixwazim.
Serfiraziye bo PDK ku, piştî vê temena dirêj hîn jî bi coşeke mezin ve di nava qada xebat de b erdewame û nuneratiya xelkê Kurdistanê dike bo gehêştin bi xwen û armancên xwe. PDK çawe 77 sal beriya niha weke pêdiviyeke dîrokî ji xwen û xweziyên gelê Kurdistanê jidayik bû, îro jî bo rûbirû bûna astengiyan û derbas kirina qirîzan û bidest xistina pêşerojeke baştir bo omîd ve rêberatiya xelkê Kurdistanê û armancên bilind yên gelê Kurdistanê dike.
Îro bi qasî dîrok û mezinatî û qurbanîdana PDK, erk û berpirsiyartiyên partî jî dîrokî û mezinin, lewre lazime weke hertim erk û berpirsiyartiyên xwe cîhbicîh bike û komkerê tevahiya aliyan be û herwiha bo çareser kirina kêşe û qirîzan jî lazime pêşeng be û herwiha lazime parêzer û pêşengê tebayî, yekrêzî, bihevre bûn û hevûdu qebûlkirin be. Rola çalak û bibandor y a xwe bo parastina azadî, demokrasî, maf û destkeftên dîrokî yên gelê Kurdistanê û sepandina federalîzimê de bilîze.
Silav li her endamekî partî li her derê be hêviya serkeftinê bo we û tevahiya gelê Kurdistanê dixwazim.
Cîgirê Serokê PDK
Nêçîrvan Barzanî
komênte (0)
heta niha komênt nehatiye nivîsandin