Daristanên 3 beşên Kurdistanê dişewitin

Aliyên têkildar yên desthilatê jî rê nadin agirên han werin vemirandin.

Li gor zaniyariyên berdest agira ku, bi daristanê derdorê Merîwanê ber bûye, zêdetir ji yek hefteye berdewame û hêzên rejîma Îranê ne tenê bo vemirandina agirê ti gavek navêjin, hevdem rê nadin çalakvanên Rojhilatê Kurdistanê jî daku, biçin cîhê şewatê û agirê vemirînin.

Tê gotin ku, di encama şewata han de rûbereke gelek zêde ji daristanên Merîwanê şewitîne.

Ji aliyeke din ve li herêma Kurdistanê jî jiber şer û pevçûnên navbera PKK û artêşa Tirkiyeyê û jiber bordiman û topbaranên Tirkiyeyê agir bi daristanên devera Badînan berbûye û artêşa Tirkiyeyê jî rê nade ku, ev agira han were vemirandin.

Herwiha li Çiyayê Cûdî ya li Bakûrê Kurdistanê jî artêşa Tirkiyeyê agir bi daristanên vê çiyayê û çiyayê Gabarê berdaye û ne hikûmeta Tirkiyeyê agirê ditemirîne ne jî rê dide xelk û çalakvan biçin hawara daristanên Kurdistanê.