Serok Barzanî di bîranîna 53 saliya rêkeftina 11ê Adarê de peyamek belav kir ku, ev jî naveroka vê peyamê ye;
Binavê xwedê mezin
Rêkeftina 11ê Adarê yek ji destkeftinên pirbuha yên tevgera azadîxwaz ya gelê Kurdistanê ye û girîngiya vê bûyera dîrokî di vê yekê deye ku, di encama xebat û şoreşa gelê Kurdistan û PDK bi Rêberatiya Barzaniyê Nemir, rejîma vê demê ya Îraqê neçar bû di roja 11ê Adara 1970an de bo cara ewil û bi awayeke fermi beşek ji mafên gelê Kurd, ev mafên ku, her ji destpêka ava bûna dewleta Îraqê ve hatibûn binpêkirin qebûl bike.
Rêkeftina 11ê Adarê ku, berhema xebat û qurbanîdana pêşmerge, xelk û tevahiya pêkhateyên olî, etnîkî yên Kurdistanê bû, pênas û hebûna gelê Kurdistanê di nava Îraqê de xiste nava qonaxeke bilindtir û bawermendî di nava dilê takên Kurdistanê de bihêztir kir.
Her çend rejîma Îraqê li ser soz û îmzeya xwe newesta û pişt li rêkeftin û mafên gelê Kurdistanê kir lê ev destkefta han deriyek bû bo qonax û pêngavên mezintir yên di nava xebata gelê me de û bidest xistina destkeft û serkeftinên zêdetir.
Di 53 saliya rêkeftina 11ê Adarê de rixmî ku, tekez li ser peyama aştîxwazane û bihevre jiyana gelê Kurdistanê dikin, vê yekê jî bi bîra tevahiya aliyan dixin ku, gelê Kurdistanê di bin ti şer û mercan de dev ji maf, azadî û destkeftiyên xwe ber nade.
komênte (0)
heta niha komênt nehatiye nivîsandin