Rûsye çekên Rojavayî daye Îranê

Dibêje ev çekên han li Ukraynayê destê Rûsyeyê ketine.

Kanala cnn li ser zarê rayedarên leşkerî û dîplomatîkî yên Amerîkayê belav kir ku, Rûsye çekên Amerîkî û yên NATOyê daye Îranê.

Li gor nûçeya cnnê ev çekên Amerîkî û yên NATOyê yên ku, di şerê Ukrayna û Rûsyeyê de ji aliyê Rûsyeyê ve hatine girtin, bo Îranê hatine şandin.

Ev rayedarên Amerîkî qala vê yekê kirine ku, Rûsye li hember şandina çekên Rojavayî bo Îranê, dronên întîharî ji Îranê wergirtiye.

Çavkanî eşkere kiriye ku, Îran rixmî ku, dixwaze wan çekan bikar bîne, hevdem dixwaze hînê teknolojiya wan çekan bibe daku, bikarêbe çekên weke çekên Amerîkî û Rojavayî çê bike.