Serok Barzanî li gel şandeke partiya komonîst ya Çînê civiya

Behsa têkiliyên navbera Kurdistan û Komara Çînê kirin.

Îro li Pîrmamê Serok Barzanî pêşwaziya şandeke partiya komonîst ya Çînê bi Serokatiya Cîgirê wezîr bo karûbarên navnetewî Jo Rui û ji her yek ji balyozê Çînê yê li Bexdayê Cui Wei, Konsulusê Çînê yê li Hewlêrê Liu Xin û hijmareke din rayedar, dîplomat û şêwirmendên Çînî pêk hatibû.

Di civînê de şanda mêwan behsa siyaset û nêrînên partiya komonîst ya Çînê derbarê rewş û pêşhatên cîhan û rewşa navxwe ya Çînê de kir û balkêşande ser xalên hevbeş yên di navbera partiya komonîst ya Çînê û partiya demokrat ya Kurdistanê û daxwaza pêşde birina têkiliyan di navbera her du aliyan de bi taybetî di warê veguhastina ezmûna îdarî, hikumranî, îdar û bazirganî de kir.

Serok Barzanî jî xirmî bixêr hatin kirina şanda mêwan behsa têkiliyên dîrokî yên di navbera PDK û PKÇ kir û tekez li ser vê yekê kir ku, PDK û PKÇ bi hêz û resenatiya xwe ya girseyî karîne di rêya xebatên xwe de astengiyan derbas bikin û serkeftin bidest bixin.

Serok Barzanî piştîvaniya xwe jî bo berfiretir kirina têkiliyên navbera Kurdistan û Çînê diyar kir û hêviya vê yekê jî xwest ku, PDK û PKÇ jî bo vê yekê mekanîzmayên goncaw amade bikin.