Urdin û Kurdistanê têkiliyên xwe berfiretir dikin

Serokwezîrên Kurdistan û Urdinê civiyan.

Îro li Davosê Serokwezîrê Kurdistanê Mesrûr Barzanî li gel Serokwezîrê Urdinê civiya û piştî civînê jî Mesrûr Barzanî li ser hesabê xwe yê fermî wisa nivîsand;

Îro li Davosê li gel Serokwezîrê Şahnişîna Urdinê birêz Beşîr Elxisawne civiyan.

Me di civînê de nirxandin li ser pêşde birina zêdetir ya têkiliyên dostane û dîrokî yên li gel Şahnişîna Urdinê kir.

Serokwezîrê Urdinê silav û rêzên xwedan şiko Şah Ebdulah Şahê Urdinê gehandine me û behsa vê yekê kir ku, herêma Kurdistan û cenabê Serok Barzanî xwedan cîh û pêgeheke taybetin li cem Şah Ebdulah û Şahnişîna Haşimî ya Urdinê.

Me jî spasiya piştgîrî û piştîvaniyên Urdinê yên bo herêma Kurdistanê bi taybetî di dema êrîşên terorîstên DIŞIê de bo ser herêma Kurdistanê kir. Me herwiha rêzdariya xwe ya li hember hewl û kar kirina xwedan şiko Şah Ebdulah yên bo dabîn kirina aramiya Îraq û Kurdistanê diyar kir.

Mijareke din ya civînê taybet bû bi giftûgo kirin li ser pere pêdana hevkarî û hemahengiya di warên çandiniyê, bazirganî û derfetên sûd wergirtina herêma Kurdistanê ji ezmûna serkeftî ya Urdinê di warê tendirostî de.