Dibêje di navbera Rûsye û Tirkiyeyê de lihev hatineke nû hatiye kirin.
Li gor nûçeyeke Elcizîre ku, xwe dispêre dîplomatên Rûsî, di navbera Tirkiye û Rûsyeyê de ev demeke li ser operasiyona bejayî ya Tirkiyeyê bo ser Rojavayê Kurdistanê danûstan û diyalog tê kirin.
Li gor dîplomatan, Rûsye û Tirkiye li ser hin xalan lihev kirine bi taybetî derbarê êrîşên asmanî de lê derbarê operasiyona bejayî de, Rûsye dijatiya xwe li hember operasiyonê diyar kiriye û merc bo Tirkiye daniye.
Elcizîre ji zarê çavkaniyên Rûsî belav kiriye ku, Rûsye ji Erdogan re gotiye ku, hin mercên me derbarê şerê Ukraynayê de hene û eger Tirkiye mercên me bicîh bîne vê demê Rûsye asteng nabe li hember operasiyona bejayî belku bo kontrol kirina Kobanê û Til Refetê hevkarî û karasaniyê jî bo Tirkiyeyê dike.
Heta niha nehatiye zanîn ka gelo mercên Rûsyeyê çine û Tirkiye dikare wan cîhbicîh bike an na?
komênte (0)
heta niha komênt nehatiye nivîsandin