Welatên cîhanî piştgîrî dan biryara dijî Îranê

Komîteya dadweran ya ajansa etomiya cîhanî biryarek dijî Îranê daye.

Piştî ku, roja pêncşem komîteya dadweran ya ajansa etomiya cîhanî derbarê bernameya etomî ya Îranê de biryareke nû derkir û ragihand ku, bernameya etomiya Îranê dijî aştî û aramiyê ye, sê welatên bihêz yên cîhanê jî bi daxuyaniyeke hevbeş piştîvaniya xwe bo biryara han ragihandin.

Her yek ji Almanya, Brîtanya û Franse di daxuyaniyeke hevbeş de ragihandine ku, biryara komîteya dadweran biryareke rast û di cîhê xwe deye, Îran dixwaze bernameya xwe ya etomî weke amûrek li dijî welatên cîhanî bikar bîne û ev bernameya han ya Îranê ne bernameyeke aştîxwaze belku, bernameyeke ku, bûye metirsiyeke gelek mezin bo ser aştî û aramiya cîhanê.