Gera duyem ya diyaloga nîştimanî ya Îraqê destpê kir

Bi Serokatiya Serokwezîrê Îraqê destpê kiriye.

Li gor çapemeniya Îraqê kêliyek beriya niha gera duyem ya diyaloga nîştimanî ya Îraqê di navbera aliyên siyasî yên Îraqê de destpê kiriye.

Ev diyaloga han li ser pêşniyar û daxwaza Serokwezîrê Îraqê Mistefa Kazimî destpê kiriye û armanc jê giftûgo kirine derbarê dîtina çareseriyek bo kêşe û qirîza siyasî ya Îraqê.

Biryare di gera duyem ya vê diyaloga han de aliyên siyasî yên Îraqê nîqaş li ser hilweşandina parlementoya Îraqê û hilbijartinên pêşwext bikin.

Ev di demekê deye ku tevgera Sedir daxwaza hilweşandina parlementoyê û hilbijartinên pêşwext dike, lê aliyên di nava çarçoveya hemahengî de ev yek red dikin.