Serok Barzanî bi minasebeta 46mîn salvegera destpê kirina şoreşa mezin ya Gulanê peyamek pêşkêş kir ku, ev jî tekesta vê peyamê ye;
Bi navê xwedê mezin û mihiriban
Şoreşa Gulanê pêvajoyeke girîng ya berxwedana gelê Kurdistan û pêşmergeye, ev şoreş domdar û hilgirê peyam û armanacên şoreşa mezin ya Îlonê ye, ev şoreş îsbat kir ku, eger di serdemekê de şoreş û xebata gelê Kurdistanê bi awayeke demkî rawesta be, lê îradeya têkoşîn û xebata gelê Kurdistanê ti carî ji nav neçûye û gelê Kurdistanê bi awayeke bihêztir berdewam bûye bo gehêştin bi azadiyê, ev azadî û destkeftên ku niha hene, berhema xwîn û qurbanîdana gelê di şoreşa Gulan û tevahiya şoreşan dene.
Di bîranîna 46mîn salvegera destpê kirina şoreşa Gulanê de, rêza me bo tevahiya têkoşer, pêşmerge, rêkxistinên navxwe û ev nîştimanperweran heye ku bi awayeke fedakarane, westiyan û awareyî hilbijartin û bûne beşek ji şanaziya gelê me.
Di vê bîranîna pîroz de, hezaran silav bo rihêz paqêj yê yekem şehîdê şoreşa Gulanê, şehîd Seyid Ebdulah Hecî Omeranî û tevahiya şehîdên Kurd û Kurdistanê dinirên û herwiha silav li berxwedan û qehremaniya pêşmergeyan dikin ku bi xwîna xwe serfirazî bo gelê Kurdistanê bidest anîne.
Mesûd Barzanî
26ê Gulana 2022
komênte (0)
heta niha komênt nehatiye nivîsandin