Peyama Serokê herêma bo 1ê Gulanê

Li cîhanê 1ê Gulanê weke roja cîhaniya Karkeran tê pîrozkirin.

Serokê herêma Kurdistanê Nêçîrvan Barzanî bi minasebeta 1ê Gulanê roja cîhaniya Karkeran peyameke weşand ku naveroka peyamê wisaye;

Yekê Gulanê, roja cîhanî ya karkeran, bi germî li tevaya karkerên Kurdistan, sandîka û rêkxistinên wan, û li karkerên Îraq û cîhanê bi giştî pîroz dikim. Kar û xebatên wan bilind dinirxînim, bi rêz û hurmet li erk, westiyana û rolê wan dinêrim, ji wan ra serkeftinê dixwazim.

Karker wek ketegoriyek giring û bi bandor a civaka Kurdistanê, tevî ku wan di xebat û pêşmergatiyê da bi çalakî pişkdarî kiriye û qurbanî dane, di prosesa avadankirin û geşepêdana welêt da wan hertim roleka ber bi çav heye. Divê bi her awayî rêz ji mafên wan ra bê girtin û jiyan û rumeta wan ya parastî be, rêxistin û sandîkayên wan çalak û rêxstinîtir bin daku bikaribin maf û şaysteyên wan û demjmêrên karkirinê baştir biparêzin û wê yekê misoger bikin ku karker di rewş û jîngeheke dirust da kar dikin.

Di vê helkeftinê da, em tekîdê dikin ku em piştgiriya hemû maf û daxwazên rewa yên karkeran dikin. Li ser sazî û aliyên peywendîdar yên Herêma Kurdistanê pêdviye ku di çarçoveya yasayan da jiyn û jiyara karkerên Kurdistanê li ber çavan bigirin û lêbixebitin ku jiyana karkeran baştir bikin û sexbêriya malbatên wan karkeran bikin yên ku di dema karkirinê da jiyana xwe ji dest daye.

Serokê Herêma Kurdistanê

Nêçîrvan Barzanî

2022.05.01