Li Hesekê 8 kes ji ber bordûmana Tirkiyê birîndar bûn

Li parêzgeha Hesekê ya Rojavayê Kurdistanê di encama bordûmana Tirkiyê de 8 kes birîndar bûn.

Rewangeha Sûrî ya Mafên Mirovan belav kir, derengiya şeva borî droneke Tirkiyê mala welatiyekî sivîl li bajarokê Ebû Rasîn yê Hesekê kir armanc û di encamê de 3 kes birîndar bûn.

Di heman dema êrîşa bi dronê de, komên çekdarên ser bi Tirkiyê ve gundê Esediyê li heman navçeyê topbaran kirin û di encamê de 5 kes ji malbatekê birîndar bûn ku di nava wan de zarok jî hene.

Li gor zanyariyan, ji encama topbarana li ser gundê Esediyê de, gundiyan malên xwe bi cih hîştin.