Komkara Erebî Tirkiye şermezar dike

Jiber kêşeya qut kirina avê li ser Rojavayê Tirkiye şermezar dike.

Parlementoya Komkara Erebî di civîna xwe ya dawî de li ser rewşa Rojava û Bakûrê Rojhilatê Sûriyeyê nîqaşeke berfire kiriye û balkêşandiye ser qirîza avê ya li vê herêmê yaku jiber qut kirina avê ji aliyê Tirkiyeyê ve çê bûye.

Komkara Erebî ragihandiye ku av samaneke giştiye û nabe weke amûreke şer li dijî ti kes û aliyekê were bikaranîn.

Komkara Erebî herwiha diyar kiriye ku Tirkiye avê weke amûreke şer bikar tîne, av li ser şêniyên Rojava û Bakûrê Rojhilatê Sûriyeyê qut kiriye û ev herêm jiber bê avî ketiye rewşeke xirab de, lewre em weke komkara erebî bi tundî ev kiriyarên Tirkiyeyê şermezar dikin.

Komkarê herwiha diyar kiriye ku ev li hember zextên Tirkiye û cîhadiyên Tirkiyeyê yên li ser şêniyên deverê dilgiranin.

Weke tê zanîn di rojên derbasbûyî de Tirkiye û Rûsye jî li ser çareser kirina kêşeya bê aviyê li deverê de li Serê Kanî civiyan bûn û li gor çapemeniya Tirkiyeyê bo çareser kirina kêşeyê lihev kiribûn.

N: E. G