PDK daxuyaniyek bo raya giştî weşand

Têde behsa diyaloga steratejîkî navbera Amerîka û Îraqê dike.

Partiya demokrata Kurdistanê îro daxuyaniyeke rojnamevanî bo raya giştî belav kir û têde behsa encamên diyaloga steratejîkî ya navbera Amerîka û Îraqê kiriye.

PDK diyar kiriye ku weke hêzeke Îraqî bi erênî û girîngî li rêkeftin û encamên diyaloga steratejîkî ya navbera Îraq û Amerîkayê dinêre.

PDK herwiha ragihandiye ku bi girîngî li berdewamiya hevkariya steratejîkî ya navbera Îraq û Amerîkayê ku dibe sedema nehêştina aloziyan li deverê dinêre.

PDK herwiha daxwaz ji tevahiya aliyan kiriye daku pêbendî rêkeftinan û cîhbicîh kirina rêkeftinan bin daku pêşî ji alozbûna rewşê were girtin.

PDKê di dawiya daxuyaniya xwe de pêbendiya xwe bi xalên nava rêkeftina steratejîkî diyar kiriye.

N: E. G