DIŞIê 5 welatiyên sivîl qetil kir

Êrîşî ser gundeke devera Gulale kiriye.

Li gor çapemeniya Îraqê berbanga îro duşem, terorîstên DIŞIê li devera Gulale ya li Parêzgeha Diyalayê êrîşî ser gundê Qela kirine û du welatiyên sivîl ku şêniyên gundê bûne revandine.

Pişt re şêniyên gund û kesûkarên revandiyan bo rizgar kirina kesên revandî li pey terorîstên DIŞIê dikevin û berê xwe didin gundeke cîranê gunda xwe daku daxwaza hevkariyê bo rizgar kirina kesên revandî bikin.

Lê di navbera her du gundan de terorîstan kemîn daniye û di navbera terorîstên DIŞIê û şêniyên gund de pevçûn qewmiye û di encama pevçûnê de 5 şêniyên gund hatine kuştin û du welatiyên din jî birîndar bûne û tirimbîla wan jî hatiye şewitandin.

N: E. G