Talan kirina Efrînê berdewame

Efrîn ji aliyê Tirkiye û cîhadiyên Tirkiyeyê ve tê talankirin.

Piştî dagîr kirina Efrînê ji aliyê Tirkiyeyê ve, prosesa guhertina demografiya vê bajarê Kurdistanî destpê kir û hîn jî berdewame.

Li cem ku prosesa guhertina demografiyê didome, artêşa Tirkiye û cîhadiyên Tirkiyeyê jî berdewamin li ser dizîn û talan kirina Efrîn û mal û milkên Efrîniyan.

Di vê çarçoveyê de hate zanîn ku di nava çend rojên derbasbûyî de artêşa Tirkiye û cîhadiyên Tirkiyeyê li devera Mabeta ya Efrînê zêdetir ji hezar û 500 dar zeytûnin din qut kirine û birine Tirkiyeyê.

Rixmî wan liv û tevgerên talan kirin û dizî kirinê jî, prosesa revandina şêniyên Efrînê û azad kirina wan li hember vergirtina pereyan ji aliyê artêşa Tirkiye û cîhadiyên Tirkiyeyê ve berdewame.

Weke tê zanîn Efrîn di 18ê Adara 2018an de ji aliyê Tirkiye û cîhadiyên Tirkiyeyê ve hatibû dagîrkirin.

N: E. G