Bo bîranîna 33mîn salvegera kîmiyabaran kirina Helebceyê de peyamek belav kir.
Serokê herêma Kurdistanê Nêçîrvan Barzanî bi minasebeta 33mîn salvegera kîmiyabaran kirina Helebceyê de peyamek belav kir ku naveroka peyamê wisaye;
Îro 33 sal biser kîmiyabaran kirina Helebceyê bi destê rejîma dîktator ya Besê û şehîd bûna zêdetir ji 5 hezar welatî û birîndar bûna bi deh hezaran welatiyên Kurd yên şêniyên Helebceyê re derbas dibe, bajêr wêran bû û bi hezaran welatî jî aware bûn.
Di bîranîna ticarî ji bîr neçûyî ya ev karesata mergbar ya mezin ku bi ser gelê me de hatiye, hevdem li gel rêz girtin û tewandina serê rêzdariyê li hember şehîd û qurbaniyan, weke hertim tekez li ser yek rêzî û yekdengî û bihevre bûna tevahiya alî û pêkhateyên Kurdistanê dikin, wefadariya me bo xwîna şehîdan û çarçûr nekirna berhema xebatê gelê me vê yekê ji me dixwaze.
Di vê bîranîna han de dîsa tekez li ser girîngîdan û xizmet kirina zêdetir ya Helebceyê dikin, xizmet kirina kesûkarên şehîdan, birîndaran û Helebceyê daxwaza kar û pêngavên zêdetir ji me dikin ku hêjayê Parêzgeha Helebce û şêniyên serfiraz û zilim lêkirî be.
Daxwaz dikin ku hikûmeta fedralî weke erkê exlaqî û qanûnî berpirsiyartiyên xwe li hember Helebceyê bicîh bîne û Helebce, kesûkarên qurbaniyên karesata han qerebû bike.
Herwiha daxwaz ji civaka cîhanî dikin ku berhem anîn û bikar anîna çekên komkujî qedexe bike, lazime ev xemê tevahiya cîhanê be bo parastina mirovatî, jîngeh û şaristaniyetê.
Şehîdên Helebce û tevahiya şehîdên Kurdisanê, hertim di bîra me dene û di wêcdana Kurdistaniyan de hertim zindîne.
Silav û rêz bo rihê paqêj yê wan
Serokê herêma Kurdistanê
Nêçîrvan Barzanî
16ê Adara 2021
N: E. G
komênte (0)
heta niha komênt nehatiye nivîsandin