Hijmarek bazirgan û firoşgeh hatin ceza kirin

Jiber ku buhayê tiştan giran kiribûn.

Wezareta bazirganiya hikûmeta herêma Kurdistanê belav kir ku piştî buha kirina dolarê Amerîkayê ji aliyê bankaya navendî ya Îraqê ve, hin bazirgan û firoşgeh dest bi giran kirina nirx û buhayê tiştan kirine lê ew bazirgan û cîhên han ji aliyê tîmên têkildar ve hatine cezakirin.

Di daxuyaniya han de hatiye eşkere kirin ku her kes û aliyek bixwaze fêde ji biryara bankaya navendî ya Îraqê bistîne û buhayê tiştan giran bike, vê were cezakirin û firoşgeh jî werin daxistin.

Weke tê zanîn hefteya derbasbûyî bankaya navendî ya Îraqê bo kêm kirina kurt anîna bûdceya Îraqê biryar da daku buhayê dolarê li hemberê dînarê bilind bike û ew yek jî bûye sedema nerazîbûnan.

N: E. G