​​​​​​​Li Bakur û Rojhilatê Sûriyê 5 kesên din bi koronayê mirin

Desteya Tenduristiyê ya Bakur û Rojhilatê Sûriyê eşkere kir ku di 24 saetên dawîn de 100 kesên din bi vîrusa koronayê (Covid-19) ketine û 5 kesên din jî jiyana xwe ji dest daye.

Desteya Tenduristiyê ya Rêveberiya Xweser a Bakur û Rojhilatê Sûriyê îro ragihand ku li herêmên Bakur û Rojhilatê Sûriyê 5 nexweşên koronayê mirine.

Hevserokê Desteya Tenduristiyê Ciwan Mistefa daxuyand ku kesên mirine, 2 zilam in û ji Hesekê ne, 2 ji Şehbayê û zilamekî ji kampa Holê ne.

Mistefa da zanîn ku li herêmê wan 100 nexweşên din belge kirine, ku 53 zilam û 47 jin in û li van herêman in:

Hesekê: 22

Dêrik: 8

Qamişlo: 15

Girkê Legê: 3

Amûdê: 2

Rimêlan: 1

Reqa: 15

Tebqa: 12

Minbic: 5

Kobanê: 3

Şehba: 14

Ciwan Mistefa her wiha diyar kir ku 23 nexweş jî baş bûne.

Bi van daneyên nû re, li herêmên Bakur û Rojhilatê Sûriyê 6 hezar û 691 kes bi nexweşiya koronayê ketine, ji wan 183 kesan jiyana xwe ji dest daye û 980 kes jî baş bûne.

Ji anhayê hatiye wergirtin.

N: E. G