Amerîka huşdarî dide Tirkiyeyê

Dibêje cîhadiyên Sûrî bo Azerbaycanê şandiye.

Wezîrê derve yê Amerîkayê Mike Pempeo ji Rojnamegeran re gotiye ku di şerê Lîbyayê de Tirkiye bo piştîvaniya Feyaz Serac ji Sûriyeyê cîhadî veguhast Lîbyayê û ew pêngava han bû sedema zêdetir bûna pevçûnan û kuştina xelkeke zêdetir.

Pempeo herwiha eşkere kiriye ku niha Tirkiye bo piştîvaniya Azerbaycanê cîhadiyan ji Sûriyeyê dişîne Qerebaxê, ew yek pêngaveke gelek metirsîdare û zirarê dide hewldanên bo aştî û ragihandina agir bestê û herwiha dibe sedema çê bûna komkujiyên nû li deverê bi destê wan cîhadiyan.

Pempeo herwiha huşdarî daye Tirkiyeyê û gotiye: Lazime Tirkiye dev ji wan gavên xwe berde.

Ji aliyeke din ve, Franse û Almanyayê jî beriya çend rojan gotibûn ku me belge hene ku Tirkiye ji Sûriyeyê cîhadî bo Qerebaxê şandine û gef li Tirkiyeyê kiribûn.

Herwiha roja pêncşema derbasbûyî nêrîngeha Sûrî bo mafên mirovan eşkere kiribû ku heta niha zêdetir ji 60 cîhadiyên Sûrî li Qerebaxê hatine kuştin.

N: E. G