Serok Barzanî li gel Balyozê Amerîkayê yê li Îraqê civiya

Silavên wezîrê derve yê Amerîkayê gehande Serok Barzanî.

Îro duşem li Pîrmamê Serok Barzanî pêşwaziya balyozê Amerîkayê yê li Îraqê Matthew H. Tueller û şandeke pê re kir.

Di civînê de ku Konsulusê Amerîkayê yê li Hewlêrê jî têde beşdar bû, balyozê Amerîkayê yê li Îraq û silav û rêzên wezîrê derve yê Amerîkayê Mike Pempeo gehande Serok Barzanî û balkêşande ser dostatiya navbera Amerîka û Kurdistanê û got: Kurdistanê di nava navendin girîng yên biryaran ya Amerîkayê de xudan cîheke taybete.

Tueller herwiha eşkere kir ku Amerîka dixwaze di çarçoveya diyaloga steratejîk ya di navbera Amerîka û Îraqê de hevkariya dostên xwe yên li Îraq û Amerîkayê bike, bo çareser kirina kêşeyên heyî û bihêztir kirina dezgehên dewletê li Îraqê de.

Şanda Amerîkî di beşeke din ji axaftinên xwe de tekez li ser dom kirina hemahengî û piştîvaniya Amerîkayê bo hêzên pêşmerge kir.

Di beşeke din ji civînê de Serok Barzanî jî hevdem li gel tekez kirin li ser dostatiya navbera Amerîka û Kurdistanê, spasiya dezgeh û navendên biryarê yên Amerîkayê kir ku girîngî bi Kurdistan û pêgeha Kurdistanê didin.

Serok Barzanî herwiha hêviya serkeftinê bo Konsulusê nû yê Amerîkayê yê li Hewlêrê jî xwest.

Rewşa siyasî ya deverê, metirsiyên berdem hikûmeta Îraq û hilbijartinên pêş yên Îraqê, bandore Koronayê li ser rewşa abûrî ya Îraqê mijarên din yên civînê bûn û her du alî nêrînên xwe li ser wan mijaran anîn ziman.

N: E. G